Fágadh thart ar 18,000 áit chónaithe agus ionad gnó gan cumhlacht leictreach mar gheall ar an ngaoth mhór agus ar an mbáisteach throm a bhí ann i gcaitheamh na hoíche.
Deir Bord Soláthair an Leictreachais gur custaiméirí i ndeisceart agus in iardheisceart na tíre is mó a bhí thíos leis.
Deir an comhlacht go bhfuil teicneoirí ag nascadh na gcustaiméirí sin leis an líonra leictreachais arís de réir a chéile.
Bhí roinnt foláireamh buí báistí eisithe ag Met Éireann inné, agus cé go bhfuil deireadh tagtha leo ó shin deir na meitéareolaithe go bhfuil fuarlaigh in áiteanna fós.
Tá tuilleadh ceathanna trom báistí agus stoirmeacha toirní geallta i gCúige Mumhan arís inniu.
Nuacht agus Cúrsaí Reatha RTÉ
