Labhair an Dr Neasa Ní Chiaráin ar an gclár Adhmhaidin ar RTÉ Raidió na Gaeltachta faoin uirlis nua chumarsáide le cabhrú le gasúir uathacha ó theaghlaigh le Gaeilge.
Mhínigh Dr Ní Chiaráin gur tháinig máthair, Julie Nic Con Iomaire a bhfuil beirt pháistí uathacha aici a chuaigh i dteagmháil le Coláiste na Trionóide le labhairt faoi na féidearthachtaí teicneolaíocha a bheadh ann uirlis den chineál seo a fhorbairt.
Forbraíodh an uirlis seo, ar a dtugar, Geabaire le cabhrú le gasúir nach bhfuil ar a gcumas labhairt nó a bhfuil teorainn ar an cumas cainte atá acu. Tá a leithéid d'uirlis ar fáil i mBéarla a úsáideann guthanna sintéise le glór a thabhairt dóibh siúd a bhfuil sé uatha.
Mhol Dr Ní Chiaráin Julie agus a fuinneamh; dúirt sí go bhfuil PhD ar bun anois aici sa réimse seo agus an teicneolaíocht á brú chun cinn go mór aici. Forbraíodh an teicneolaíocht thábhachtach go mbeadh daoine uathacha in ann abairtí agus coincheapanna deacra agus casta a chur in iúl ach deir Neasa go bhfuiltear go súil go mbeidh daoine eile a bhfuil bacanna cainte orthu in ann é a úsáid amach anseo freisin. Dearadh an teicneolaíocht seo leis an úsáideoir ag croílár na pleanála ach deir Ní Chiaráin go bhfuil gá le hionchur ó go leor daoine le scileanna éagsúla le seo a chur i bhfeidhm; tuismitheoirí, múinteoirí agus teiripeoirí cainte ina measc.
Tá a leithéid ar fáil i mBéarla agus deir Neasa go raibh éileamh ann do phobal na Gaeilge agus ar deireadh gur ceist comhionannais a bhí ann do theaghlaigh.
Is féidir leat Geabaire a úsáid anseo
Éist le hAdhmhaidin ar RTÉ Raidió na Gaeltachta ón Luan go hAoine idir 8 agus 9.
